※JoAn & KiT※

~Happy New Year~

cyf_joan — Wed, 31 Dec 2008 23:55:55 +0800

今日係除夕夜~2008年就快結束,08年真係有好多好多既回憶,真係有d唔捨得,可能08年係我人生既轉捩點~就係嫁左人喇!...希望09年繼續開開心心,唔知09年重有無咩轉變呢?!哈哈

第一樣變就係我會轉blog呀~呢個blog由我搞結婚開始到我依家結左婚,已經記錄左兩年既開心事,希望能成為我同士巴拿既回憶喇!而新個blog係09年開始,雖然無咩野睇~不過,我會繼續努力寫好呢個blog架!大家得閒探下佢喇~~ http://hk.myblog.yahoo.com/cyf_joan

~除夕夜~

cyf_joan — Wed, 31 Dec 2008 21:51:16 +0800

今晚Queenie妹妹同阿星上左我地屋企...我地唔想出去同人迫,所以佢地買左好多壽司同KFC上黎食...我們四個人,食到好飽呀!

Queenie妹妹重買左個傳話小玩意比我,可以錄音架!...而阿星重買左新年版Monchhichi比Quennie妹妹,我重拎黎影下相,真係好搞笑呀!

大約個半鐘後就09年喇~祝大家新年進步,開開心心過每一天!

~逛逛街~

cyf_joan — Tue, 30 Dec 2008 13:06:03 +0800

今日重放緊假...等埋士巴拿放工,就出沙田食飯,食完飯行下一田,我想睇下有無咩Kitty既新年野,點知得d揮春,所以無買...之後,我地去宜家行下,最後買左六隻有色玻璃水杯,好靚靚呀!

難得飯聚+家訪@my home

cyf_joan — Sat, 27 Dec 2008 16:22:22 +0800

今晚約左一班中學同學係我家樓下食晚飯,大家真係好耐無見,一路食飯一路講唔停,估唔到班男仔重提舊事呀!哈哈

食完飯就上左我屋企坐下傾下,重飲下紅酒~最搞笑都係我地個個比楊醫師把下脈,問佢保健身體既方法,我地好似開健康論壇呀!希望遲d再搞下活動,約多d人出來玩下喇!

~Angel & Keith Wedding~

cyf_joan — Sat, 27 Dec 2008 01:35:43 +0800

今日係Angel同Ada結婚既大日子~原本打算去到她們兩人既婚禮,但去完Angel婚禮都唔夠時間去Ada婚禮,真係好抱歉...我重寫左張咭比佢,好可惜比唔到佢呀!...不過,都係度祝Ada & Chun新婚快樂,甜甜蜜蜜!

講番Angel & Keith既婚禮...佢地既佈置都做得好好呀!

等左陣,Angel就由佢爸爸陪同進場~進場時,Keith唱左首由佢自己親自作曲+填詞既歌,佢唱得好好聽好有感情,首歌重好有意思架!

最後,佢地致詞...起初Angel講野既時候,我都無咩野~點知到Keith講既時候,我有少少淚水湧出來,真係好感人呀!之後,成個儀式完成,係等影相既時候,我地自己影下相先

最後,同Angel影完相...我地就同VV, Francis去左食tea喇!

~Boxing Day@小欖燒烤樂園~

cyf_joan — Fri, 26 Dec 2008 16:21:36 +0800

今日一早約左朋友們去小欖燒烤樂園bbq...去到十二點幾,都幾多人燒架!呢度d食物真係幾好食,價錢又合理...所以去過咁多次都唔覺得厭呀!今日重撞見表妹同佢男朋友,下次有機會約埋一齊bbq呀!

我地燒到九點幾先走呀!今晚我地又話2010年一齊去日本旅行,唔知到時搞唔搞得成呢?!最後,返到屋企附近,又食糖水...一路食又一路笑過不停,大家都過左一個Happy Boxing Day!

~聖誕夜@朱生朱太家~

cyf_joan — Thu, 25 Dec 2008 16:20:20 +0800

今日聖誕節,我地去左新婚兩個月既朱生朱太屋企玩玩玩...原本諗住打邊爐,但有幾個人都唔多舒服,所以決定出街食...中午入到去,女士們打左一個鐘頭羽毛球,做左d運動;而男士們竟然打四方城,我地咪落左街買野食下囉!

後尾,我同朱太都打左陣牌...最後,我同士巴拿做左聖誕老人派錢呀!之後,我地就交換禮物,我抽到梁太既Crabtree Handcream,而士巴拿抽到梁生既暖水壺呀!

(閱讀全文)

~平安夜@my home~

cyf_joan — Wed, 24 Dec 2008 16:18:46 +0800

平安夜當然好平安咁渡過,今晚係我家開party...媽咪妹妹細佬加埋佢地既另一伴上來烚烚下,我地重交換禮物,好開心呀!

我抽中媽咪份禮物,士巴拿就抽中我份禮物...哈哈,我自己都好鍾意架!

(閱讀全文)

~Diy巧克力~

cyf_joan — Wed, 24 Dec 2008 14:10:18 +0800

平安夜放假一天,起身做家務...之後我就整朱古力喇!上次係幼稚園見小朋友做得咁開心,我又買左d材料返屋企整下...今次我加左榛子,同用左心心,啤啤熊模造呀!!

希望朋友們喜歡吃,係度祝大家聖誕快樂,新年進步!

~購物日~

cyf_joan — Mon, 22 Dec 2008 00:26:03 +0800

放工約左士巴拿係沙田,我地今晚去hip壽司食食食,真得好開心呀!

之後,我地就出發買聖誕禮物...今晚竟然可以係citysuper買埋最後兩份禮物...重有,我地訂左Haagen-Dazs朱古力火鍋,24/12可以同屋企人分享喇!

期待24,25號交換禮物

~交換禮物~

cyf_joan — Mon, 22 Dec 2008 00:23:47 +0800

今日返到幼稚園,我就叫同事收集禮物,然後交換禮物...我抽左校長既毛毛散子包,而校長竟然抽中我份禮物,我同佢真係交換禮物呀!...不過,其中一個同事因某原因,最後同校長交換左份禮物,最後我地影番d開心合照呀!

我就係買左杯麵紙巾套,好得意架!

重有呀,原來今年都收到唔少學生既聖誕咭,真開心呀!

~Hello Kitty紀念車票~

cyf_joan — Sun, 21 Dec 2008 23:28:45 +0800

多謝士巴拿送給我Hello Kitty紀念車票+扭蛋機,重有一個靚靚透明膠袋...張車票重可以搭兩次港鐵呀!

~1/4年結婚紀念日~

cyf_joan — Sat, 20 Dec 2008 00:49:34 +0800

唔經唔覺我地結左婚三個月,今晚當然要去慶祝下啦!今次揀左新世紀既Applegreen...我地叫左四樣野~特式捧捧雞沙律+芝麻薑汁,煙肉忌廉海蜆意大利粉,焗薯皮,凍朱古力...我地覺得三樣野都好好味,士巴拿話比五粒,值得推介喎!

之後我地行左陣新世紀,影下相...就落花園街旺角行下,又買左兩份聖誕禮物...依家只差兩份就搞掂喇!

~聖誕聯歡會~

cyf_joan — Sat, 20 Dec 2008 00:02:17 +0800

今日係幼稚園既聖誕聯歡會...未開始前,我地影影影...

今日重係小蜜蜂隊成立同宣誓典禮,我呢個小蜜蜂領袖要著番套制服尊重一下先

最後,成個典禮同聯歡會都好順利完成~之後有個茶聚,今日重收到少少小朋友送既聖誕禮物,真係多謝佢地喇!...聽日佢地就開始放假lu...要到出年2009年先見啦!

~韓國飯~

cyf_joan — Fri, 19 Dec 2008 00:01:10 +0800

放工同士巴拿又去又一城呀!前兩次去都無行街,今晚係打算行下同買下聖誕禮物

我地去food court食,見到有間叫韓國屋,我就叫左韓式牛肉粉絲窩飯,士巴拿就叫左雞肉石頭窩飯..我地覺得幾好味,唔錯呀!

食完野,見到商場有表演睇...咪行去睇下,原來有人玩雜技,都幾犀利同搞笑架!

今晚行左陣,只係買左一份禮物...咁過兩日都要繼續shopping喇!